Almatyda qar tazalaý jumystary jalǵasyp jatyr
ALMATY. QazAqparat - Almatyda 3-inen 4-shi aqpanǵa qaraǵan túni qalyń qar tústi. Qaladaǵy kúrelgen qardy shyǵarý úshin júk kólikteri 4 myń reıs oryndady, dep habarlaıdy «QazAqparat» tilshisi qalalyq ákimdiktiń baspasóz qyzmetine silteme jasaı otyryp.
«Almaty qalasynyń kommýnaldy qyzmetteri qala joldarynda kóktaıǵaqtyń aldyn alý úshin 9 800 tonna aldyn ala ázirlengen qospalar seýip shyqty. Qar tazalaý jumystaryna 535 tehnıka jumyldyryldy», dep habarlady qalalyq ákimdikten.
Sonymen qatar, qar tazalaýǵa qala boıynsha 1 620 jumysshy tartylǵan. Qazirgi ýaqytta trotýarlar men qoǵamdyq kólik aıaldamalary jáne kólik turaǵyna bólingen arnaıy oryndardy tazalaý jumystary júrgizilip jatyr.
Qalalyq jáne aýdandyq ákimdikterde qar tazalaý jumystaryn baqylaý úshin táýlik boıy qyzmet etetin arnaıy kezekshilik uıymdastyryldy.
