Almatyda qar tazalap jatqan jumysshy kólik qaǵyp mert boldy
ALMATY. QazAqparat - Almatyda jol shetinde qar tazalap júrgen jumysshyny kólik qaǵyp óltirdi, dep habarlaıdy QazAqparat tilshisi.
Qaıǵyly jaǵdaı Rysqulov-Jansúgirov kóshesinde bolǵan.
Rysqulov kóshesimen batysqa baǵyt alǵan Jıgýlı jol shetindegi jumysshyny qaǵyp ketti.
Ol jol ústindegi qardy trotýarǵa taman ysyryp jatqan.
37 jastaǵy er adam jedel járdem kóliginde esin jımastan kóz jumdy.
Oqıǵanyń mán-jaıyn jol polıtsııasy anyqtap jatyr.
