Almatyda «KAR-SITI» saýda úıi órtendi, 1 200-den astam adam qaýipsiz jerge shyǵaryldy
TANA. 27 qazan. QazAqparat - Sársenbi kúni Almaty qalasynda «KAR-SITI» saýda úıi jandy, ǵımarattan 1 256 adam qaýipsiz jerge shyǵaryldy. Bul týraly QR TJM-nyń baspasóz qyzmetinen habarlady.
Áýezov aýdany, Baıanaýyl shaǵynaýdanynda ornalasqan «KAR-SITI» saýda úıinde órt keshki saǵat 5-ten 5 mınýt ketkende shyqty. Anyqtalǵandaı, ǵımarattyń jer tólesinde ornalasqan avtokólikterge arnalǵan buıymdardyń dúńgirshegi jandy.
QR TJM Almaty qalasy boıynsha TJD órtke qarsy qyzmetiniń 48 adamy men 17 tehnıkasynyń kómegimen tilsiz jaýdyń oshaǵy 49 mınýtta joıylyp, taǵy jarty saǵatqa jýyq ýaqyttan keıin tolyǵymen aýyzdyqtaldy.
Jalynnyń sharpyǵan jalpy aýmaǵy 25 sharshy metrdi qurady. Qutqarýshylar anyqtaǵandaı, qurbandar men zardap shekkender joq.
