Almatyda qar saldarynan 70-ten astam jol-kólik oqıǵasy boldy
ALMATY. QazAqparat - Aýa-raıynyń nasharlaýyna baılanysty Almaty qalalyq polıtsııa Departamenti jol erejelerin qatań saqtaýdy jáne qaýipsizdik sharalaryn saqtaýdy eskertti, dep habarlaıdy QazAqparat tilshisi.
«Túngi saǵat úshten bastap qalada 70-ten astam jol-kólik oqıǵasy boldy. Onyń altaýynda adamdar zardap shekti. Jaýyn-shashynnyń kóp bolýy qaladaǵy jol jaǵdaıyn edáýir qıyndatatyny anyq. Keptelis qubylystary bar, kólikterdiń ótkizý qabileti nasharlaıdy. Biraq, tájirıbe kórsetip otyrǵandaı, kóbinese keıbir júrgizýshiler jyldamdyqty tómendetpeıdi, apattyq jaǵdaılar týyndatady, qaýipti manevr jasaıdy, bir-birin syılamaıdy. Al jaıaý júrginshiler joldy tyıym salynǵan jerden kesip ótedi. Bul faktorlar jalpy jol jaǵdaıyna keri áser etedi», - dedi Almaty qalalyq PD ákimshilik polıtsııa basqarmasynyń bastyǵy, polıtsııa polkovnıgi Jandos Muratalıev.
Aıta keteıik, búgin túnde Almatyda qalyń qar jaýdy.
