Almatyda qar men jańbyr jaýyp, kóktaıǵaq bolady
«18 aqpan, senbi kúni Almatyda tuman túsip, qar men jańbyr jaýyp, kóktaıǵaq bolady dep kútilýde»,- dep málimdedi qalalyq Tótenshe jaǵdaılar departamentiniń baspasóz qyzmeti.
Qutqarýshylar júrgizýshilerdi jol qozǵalysy erejelerin, jyldamdyq rejımin jáne qashyqtyqty saqtaýǵa shaqyrdy.
Jaıaý júrginshilerge trotýarda saq bolyp, asa qajettilik bolmaǵan jaǵdaıda úıden shyqpaǵany abzal.
Almaty qalasynyń TJD jaıaý júrginshilerge birqatar keńes berdi:
- esińizde bolsyn, qar men kóktaıǵaq kezinde kólik júrgizý kúrt nasharlaıdy jáne júrgizýshiniń kólikti baqylaýdy joǵaltýy múmkin, nátıjesinde jaıaý júrginshilerdi qaǵyp ketý yqtımaldyǵy basym;
- kóshelerden jol qozǵalysy erejelerimen, belgilengen oryndarda ótý kerek;
- abaı bolyńyz, joldan ótken kezde, basqa isterge (uıaly telefonmen sóılesý jáne t. b. alańdamańyz;
- árqashan aldyńyzǵa, aıaqtyń astyna qarańyz;
- aıaq kıimdi durys tańdaýǵa nazar aýdarý kerek. Aıaq kıim budyrly órnegi bar, taıǵanamaıtyn materıaldan jasalǵan, tegis tabandy bolýy tıis;
- qolyńyzdy qaltańyzda ustamańyz, bul sizge muzda tepe-teńdikti saqtaýǵa múmkindik bermeıdi;
– esińizde bolsyn, trotýarlar, qalalyq kólik aıaldamalary, dúkenderge kire beristegi baspaldaqtar, tipti óz úıińizdiń kireberisi - adamdar jıi jaraqat alyp qulaıtyn jer.
Buǵan deıin Qazgıdromet sınoptıkteri 18-20 aqpan aralyǵyndaǵy aýa raıyna boljam jasaǵan edi.