Almatyda qar kúreýge 969 arnaıy tehnıka men 1370 jumysshy tartyldy – ákimdik

Almaty ákimdiginiń málimetinshe, qysqy ýaqytta Almaty qalasynyń 70% aýmaǵyndaǵy qardy «Almaty Tazalyq» kásiporny tazalaıdy (709 tehnıka, 892 jumysshy). Budan bólek, ótken jyly «Almaty Tazalyq» úshin qosymsha býldozer, kóktaıǵaqqa qarsy suıyq reagentterdi sebýge arnalǵan aspaly jabdyǵy bar, Shveıtsarııada jasalǵan úsh kombınatsııalyq jol kóligi jáne qar shyǵarýǵa arnalǵan 13 samosval satyp alynǵan.

Sonymen qatar, bıýdjet qarajaty esebinen «Almaty Tazalyq» MKK úshin kóktaıǵaqqa qarsy aspaly jabdyǵy bar KamAZ 65116-6010-48 júk avtomobıliniń shassıine arnalǵan kombınatsııalyq úsh jol kóligi satyp alyndy. Onyń biri «Almaty Tazalyq» MKK-nyń Bostandyq aýdanynyń bólimine tabystaldy. «Almaty Tazalyq» mekemesiniń Bostandyq aýdany boıynsha bólim basshysynyń orynbasary Aıdyn Sholtyqovtyń aıtýynsha, atalmysh kólikter qar jaýǵanǵa deıin nemese qar jaýǵan kezde saǵatyna 40 shaqyrymǵa deıingi jyldamdyqpen kele jatyp, eni 5-ten 11,5 metrge deıin jol tósemine kóktaıǵaqqa qarsy reagentterdi shashady.

«Bul kólikterde kólemi 10 m3 syıymdylyq ornatylǵan, oǵan NaCl hımııalyq reagentiniń 24 paıyzdyq eritindisi quıylady. Aýa temperatýrasy men qardyń jaýý qarqynyna baılanysty 1 kv.m jerge 10-nan 50 gr-ǵa deıin eritindi jumsalady. ıAǵnı, 1 kv.m-ge 12 gr-nan aspaıtyn tuz jumsalady, bul jol óńdeýdiń dástúrli ádisine qaraǵanda birneshe ese az. Eritindiniń bir júktemesi úsh jolaqty joldyń 23 shaqyrymyna jetedi. Sondaı-aq atalmysh kólikterde jaz ýaqytynda joldardy sýarý jabdyqtary men dóńgelek toqtatatyn bileýdi, «djersıdy», qorshaýlardy jáne joldyń basqa da jol elementterin tazalaýǵa arnalǵan tik şetkasy bar», - dedi Aıdyn Sholtyqov.

Sondaı-aq ákimdikte qysqy tazalaý tehnologııasyna sáıkes, qala kósheleri qalaı tazalanatynyn málimdedi.

«Kóshelerdi qysqy tazalaý tehnologııasyna sáıkes, joldardyń júris bóligin kóktaıǵaqqa qarsy materıaldarmen (KQM) óńdeý - qar jaýǵan soń 20-40 mınýt aralyqty saqtaı otyryp, KQM-dy sebýge jetkilikti qar qabaty paıda bolǵan kezde bekitilgen marshrýttar boıynsha júzege asyrylady. KQM sebý ýaqyty - 3 saǵat. Qardy sypyrý - asfaltqa jabyspaıtyn borpyldaq qar massasy paıda bolǵan soń júzege asyrylady. Qazirgi ýaqytta ár aýdanda eki kolonnadan jumys istep jatyr. Sypyrýdyń uzaqtyǵy - 3 saǵat. KQM sebý árbir qalyńdyǵy 5 sm jańa jaýǵan qardan keıin júzege asyrylady, keıin qaıta qar tyrmalanady. Bul tehnologııa saqtalmaǵan jaǵdaıda joldarda muz paıda bolady. Sondyqtan kóktaıǵaq qubylystaryn boldyrmaý úshin qardyń KQM-men aralasýyn jáne borpyldaq qar massasy paıda bolýyn kútý kerek, ol jol jıegine ońaı sypyrylady.

Aýa temperatýrasyna baılanysty jaı tilmen aıtqanda»botqanyń«paıda bolý protsesi birneshe saǵatqa sozylady. Qar tyrmalanǵan soń, qar úıindileri paıda bolady. Ary qaraı ár aýdan boıynsha birinshi kezektegi kóshelerden qar shyǵarý, qardań soń jol jıeginiń bólikterin tazalaý, muzdy usatý jáne qar-muz túzilimderin jınaý júrgiziledi. Qardy shyǵarý jumystary úsh táýlik boıy júrgiziledi. Kúndizgi ýaqytta avtokóliktiń kóp qozǵalysyna baılanysty qardyń negizgi kólemi túngi ýaqytta shyǵarylady.

Qazirgi ýaqytta qolda bar arnaıy tehnıka qardy tazalaýǵa belgilengen normatıvterdi saqtaýǵa jetkilikti. Alaıda, qalyń qar jaýǵan kezde qardy ýaqytyly shyǵarý maqsatynda 150 birlikke deıin samosval men tıegishter, sondaı-aq, kelisim-sharttar jasasqan qurylys uıymdarynan myń adamǵa deıin jol jumysshylary qar tazalaý jumystaryna tartylady», - dep habarlady ákimdikte.

Eske salaıyq, Almatyda qalyń qar jaýyp, kóktaıǵaq bolatyny týraly qalalyq TJD eskertý jasaǵan bolatyn.