Almatyda qar kóshkini qaýpi týraly eskertý jasaldy
ALMATY. QazAqparat - Almaty qalasy mańyndaǵy kóshkin qaýpi men tabıǵı qubylystar týraly eskertýler medıabordtarda jarııalanatyn boldy, dep habarlaıdy QazAqparat tilshisi.
Qalalyq TJD habarlaǵandaı, Almaty qalasynyń negizgi joldary men halyq kóp jınalatyn núktelerde ornalasqan medıabordtarda taýdaǵy kóshkin qaýpi týraly aqparattyq habarlamalar men eskertý rolıkteri iske qosyldy. Halyqty osylaı habardar etýge «Citix» kompanııasy kómek kórsetken. Kompanııa 2021 jyldan bastap Almaty qalalyq TJD-men tyǵyz qarym-qatynasta eńbek etip keledi.
Aıta keteıik, almatylyqtar kóshkin qaýpi týraly derektermen qazirgi tańda sms-habarlamalar, BAQ jáne 70 iri medıabordpen biriktirilgen «Dármen» mobıldi qosymshasy arqyly habardar bolady.
