Almatyda qar kóshkini qaýpi saqtalyp tur
ALMATY. QazAqparat – Almatyda qar kóshkini qaýpi bar. Bul týraly «Qazgıdromet» RMK habarlady.
Kásiporyn taratqan málimetterge qaraǵanda, qalada jaýyn-shashyn bolý múmkindigine, qar jamylǵysynyń turaqsyzdyǵy men bıiktiginiń joǵary bolýyna baılanysty Úlken jáne Kishi Almaty sý alabtarynda 17-18 aqpan aralyǵynda qar kóshkini qaýpi saqtalady.
«Kóshkin júrý qaýpi múmkin bolýyna baılanysty, qarly tik jartastarǵa shyǵýǵa bolmaıdy. Taýda abaı bolyńyzdar»,-delingen sınoptıkterdiń habarlamasynda.
Osyǵan deıin QazAqparat Almatyda 7 qar kóshkini bolǵandyǵyn habarlady.
