Almatyda qar borap tur: Tazalaý jumystaryna 554 tehnıka jumyldyryldy
ALMATY. QazAqparat – Almatyda qar borap tur. Tazalaý jumystaryna arnaıy tehnıkalar jumyldyryldy, dep habarlaıdy QazAqparat tilshisi.
Almatyǵa qar búgin túski saǵat 14.40-tar shamasynda jaýa bastady.
Qar tazalaýǵa kóshege barlyǵy 554 arnaıy tehnıka birligi men 1482 jol jumysshysy tartyldy.Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, kólik qoıatyn «qaltalardy», kópshilik paıdalanatyn oryndardy qardan tazartý boıynsha jumystar uıymdastyryldy.
Túngi kezeńde 17-18 qarasha aralyǵynda 491 arnaıy tehnıka birligi, onyń ishinde 183 qumshashqysh jáne 323 jol jumysshysy qar tazalaýmen aınalysady dep josparlanýda.
Aýdandyq ákimdikter men merdigerlik kásiporyndarda qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Qazgıdromettiń boljamy boıynsha 18 qarashanyń tańyna deıin qar jaýady dep kútilýde.
