Almatyda qantqa belgilengen shekti baǵa 2 aıǵa uzartyldy

ALMATY. QazAqparat - Ákimdiktiń qaýlysymen qanttyń bólshek saýda baǵasy taǵy 2 aıǵa uzartyldy, dep habarlaıdy QazAqparat tilshisi.

Almaty qalasynyń ákimdigi ekonomıkalyq jáne áleýmettik jaǵdaıdy eskere otyryp, baǵany ustap turý jónindegi qalalyq komıssııa usynymynyń negizinde qanttyń bir kelisi úshin 254 teńge mólsherinde belgilengen shekti qol jetimdi bólshek baǵasynyń qoldanylý merzimin 30 kúntizbelik kúnnen 90 kúntizbelik kúnge deıin uzartý týraly sheshim qabyldady.

Bul shara naryqtaǵy ónimniń ózindik qunyn turaqtandyrýǵa jáne satýshylardyń baǵany negizsiz ósirmeýlerine baǵyttalǵan.

Qaýly 30 qańtardan bastap kúshine endi. Almaty qalasy Kásipkerlik jáne ınvestıtsııalar basqarmasynyń mamandary aýdandar ákimdikterimen birge kesimdi baǵalardy turaqty baqylaıtyn bolady.

Baǵaǵa qatysty belgilengen tártip buzylatyn bolsa jáne jyl ishinde qaıtalansa, onda 100 aılyq eseptik kórsetkishten (291 700 teńge) 200 aılyq eseptik kórsetkishke (583 400 teńge) deıin aıyppul tólenip, ákimshilik jaýapkershilikke tartylady.

Eske salaıyq, qalada qantqa belgilengen shekti baǵa 2020 jyldyń 30 jeltoqsannan bastap engizildi.