Almatyda qańtardyń alty kúninde 700 adam KVI juqtyrdy – Jandarbek Bekshın
ALMATY. QazAqparat - Almaty sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın onlaın brıfıng barysynda qaladaǵy epıdemıologııalyq ahýal jaıly baıandady, dep habarlaıdy QazAqparat tilshisi.
Onyń aıtýynsha, búginde Almaty qalasynda KVI boıynsha epıdemıologııalyq jaǵdaı qaýyrt kúıinde qalyp otyr.
«Almaty «sary» aımaqta tur. Sondyqtan, qaladaǵy epıdemıologııalyq jaǵdaıdy baǵalaý matrıtsasynda shekteý sharalaryn baqylaýdy kúsheıtý qajet bolyp otyr», - dedi Bekshın.
Onyń aıtýynsha, qalada indettiń ekinshi tolqyny qazan aıynda bastalǵan.
«Úsh aıda KVI jaǵdaılarynyń tirkelýi 14 ese ósti (qyrkúıekte – 165 jaǵdaı, qazanda – 366 jaǵdaı), ıaǵnı 1 aıda 2,2 ese ósken. Qarashada – 1399 jaǵdaı, jeltoqsanda - 2256 jaǵdaı tirkeldi. Qańtar aıynyń 6 kúninde koronavırýstyń 600-den astam faktisi tirkeldi. Qańtar aıyna arnalǵan boljam onsha jaǵymdy bolmaı otyr. Osy aıda 4500 jaǵdaıǵa deıin tirkelýi múmkin», - dedi Bekshın.
