Almatyda qańtar oqıǵasynda zardap shekken 379 kásipkerge ótemaqy tólendi

ALMATY. QazAqparat- Qańtar oqıǵalary kezinde zardap shekken bızneske qarjylaı qoldaýdyń jalpy somasy 2 029 313 422 teńgege jetti. Bul týraly Almaty óńirlik kommýnıkatsııalar qyzmetiniń baspasóz konferentsııasynda qalalyq kásipkerler palatasynyń dırektory Aıtýar Qoshmambetov málim etti, dep habarlaıdy QazAqparat tilshisi.

«Qazirgi ýaqytta komıssııa jalpy somasy 2 029 313 422 teńgege 755 ótinimdi qarady, onda memlekettik bıýdjetten 1 274 398 461 teńge somaǵa 379 ótinim qarjylandyryldy. Qalǵanyn «Jańa Alataý» jáne «Kúsh birlikte» qorlary qarjylandyrady», – dedi Aıtýar Qoshmambetov.

Aıtýar Qoshmambetov QR Prezıdentiniń shuǵyl kómek kórsetý jónindegi tapsyrmasy aıasynda bızneske shyǵynnyń barlyq sanattary úshin 10 mln teńgege deıingi tólem somasymen jeńildetilgen esep boıynsha shyǵyndy óteýdi júzege asyrý, sondaı-aq «jabdyq» sanaty úshin ońaılatylǵan tetikti qoldaný jáne advokattardyń qyzmetterine aqy tóleýdiń ornyn toltyrý usynylǵanyn atap ótti.

Bul sharalar ótinimdi qaraý merzimin bir aıdan eki aptaǵa deıin qysqartýǵa múmkindik beredi.