Almatyda qańtar oqıǵasynan zardap shekken 2 myńǵa jýyq kásipker ótemaqyǵa ótinim berdi

ALMATY. QazAqparat - Almatyda taǵy 102 kásipker zalal ótemaqysyn aldy. Bul týraly Almaty qalasy kásipkerlik jáne ınvestıtsııalar basqarmasynan málim etti, dep habarlaıdy QazAqparat tilshisi.

Almatyda bıznes sýbektilerine múliktik zııandy anyqtaý jónindegi óńirlik komıssııasy jalpy somasy 188,6 mln teńgege kásipkerlerdiń 102 ótinimin maquldady.

Onyń ishinde 55,2 mln teńge somasyna 32 ótinim bıýdjet qarajaty esebinen, qalǵan 133,4 mln teńgeniń 70 ótinimi «Jańa Alataý» qaıyrymdylyq qorynyń qarajatynan qarjylandyryldy.

Aıta keteıik, komıssııa jumysynyń barlyq kezeńinde búgingi tańda 644,9 mln teńge somasyna 362 ótinim maquldandy, onyń ishinde 212,4 mln teńgege 140 ótinim bıýdjet qarajatynan, 432,5 mln teńgege 222 ótinim qor qarajatynan qarjylandyrýǵa ıe boldy.

«Zardap shekken shaǵyn jáne orta bıznes sýbektilerinen ótinimder túsý jalǵasýda, Info Kazakhstan saıtyna Almaty qalasy kásipkerlerinen barlyǵy 2 myńǵa jýyq ótinim kelip tústi»,- dep málimdedi basqarma.