Almatyda qańtar oqıǵasy kezinde adam óltirgen ınkassator 8 jylǵa sottaldy

ALMATY. QazAqparat- Almaty qalalyq qylmystyq ister jónindegi mamandandyrylǵan aýdanaralyq soty qańtar oqıǵasy kezinde aqsha aıyrbastaý pýnktteriniń biriniń janynda kisi óltirdi degen kúdikke ilingen adamǵa qatysty úkim shyǵardy, dep habarlaıdy QazAqparat tilshisi.

Sot anyqtaǵandaı, byltyr qańtar aıynda tótenshe jaǵdaı kezinde ınkassator bolyp jumys isteıtin sottalýshy B. aqsha aıyrbastaý pýnktine shabýyl jasalǵany týraly shaqyrtýǵa barǵan. Joǵaryda atalǵan jerge ol áriptesterimen birge kelgende jábirlenýshi N.-ny jáne basqa da adamdardy kórgen. Al aqsha aıyrbastaý pýnkti tonalǵan.

«Sottalýshy B, urylardy dalaǵa shyǵaryp, qoldaryn baılamaq bolǵan, oǵan jábirlenýshi N. qarsylyq kórsetip, qashyp ketýge áreket jasaǵan. Osy kezde jábirlenýshini qýyp jetken sottalýshy onyń arqasynan atqan. Jaralanǵan N. kóp qan joǵaltý saldarynan aýrýhanada kóz jumdy», - dep atap ótti qalalyq sottyń baspasóz qyzmeti.

Sottalýshyǵa QR Qylmystyq kodeksiniń 106-baby 3-tarmaǵy «Densaýlyqqa qasaqana aýyr zııan keltirý» boıynsha aıyp taǵyldy. Sot jaza taǵaıyndaý kezinde kinásin ishinara moıyndaý túrindegi jazany jeńildetetin mán-jaılardy jáne sottalýshynyń asyraýynda jas balalardyń bolýyn eskerdi.

«Sot úkimimen B. abaısyzda jábirlenýshiniń ólimine ákep soqqan densaýlyqqa qasaqana aýyr zııan keltirgeni úshin kináli dep tanyldy. Inkassator 8 jylǵa bas bostandyǵynan aıyryldy»,- dep habarlady sottan.

Úkim zańdy kúshine engen joq.