Almatyda qańtar men aqpanda qandaı aýa raıy boljanady - Qazgıdromet
ALMATY. QazAqparat – Almatyda jaqyn kúnderi qalyń qar jaýady, dep habarlaıdy QazAqparat tilshisi.
«Kazgıdromet» RMK habarlaǵandaı, 2021 jyldyń qańtary men aqpanynda aýa raıy qubylmaly bolady.
Qystyń sońynda jaýyn shashyn, qar jyldaǵydan kóp túsedi dep boljanyp otyr.
«Qazaqstannyń ońtústik shyǵysyna Atlantıka jaǵalaýlarynan jyly, ylǵaldy aýa massasy kelip turady. Al jerge jaqyn belsendi tsıklondyq belsendilik baıqalady. ıAǵnı atmosferalyq fronttardyń áserinen qala aýmaǵyna jaýyn shashyn mol túsetin bolady», - dedi sınoptıkter.
Odan bólek qańtarda birneshe tolqyn sýyq júredi.
Qańtardyń ekinshi onkúndiginiń ortasynan sońyna deıin aýa temperatýrasy kúndiz – 13,- 18, kúndiz -3,-8 gradýs bolady.
Bir aıda túsetin jaýyn shashyn kólemi qalypty deńgeıden artyq bolmaq.
Al aqpanda tuman men kóktaıǵaq jıi bolady.
Aıta ketý kerek, keshe Almatyda tolassyz qar jaýyp, júzdegen jumysshy 3 myń tekshe metr qardy qala syrtyna shyǵarǵan bolatyn.
Polıtsııa jol apatynyń aldyn alý maqsatynda jol erejesin qatań saqtaýdy eskertti.
