Almatyda qańtar qyrǵynynan zardap shekken kásipkerlerdiń shyǵynyn óteý tetigi ózgerdi

ALMATY. QazAqparat - ShOB sýbektilerine múliktik zııandy anyqtaý jónindegi aımaqtyq komıssııanyń 2022 jylǵy 20 aqpandaǵy otyrysynda kásipkerlerdiń jalpy somasy 427 mln teńgege 119 ótinimi maquldandy. Onyń ishinde 295,7 mln teńge somaǵa 64 ótinim bıýdjet qarajaty esebinen, 131,3 mln teńgege 55 ótinim «Jańa Alataý» qaıyrymdylyq qorynyń qarjysynan óteledi, dep habarlaıdy QazAqparat.

Almaty qalasy boıynsha komıssııanyń jumysy bastalǵaly beri barlyǵy 1 545,7 mln teńge somaǵa 720 ótinim maquldandy.

Onyń ishinde bıýdjet qarajatynan - 793,8 mln teńge somaǵa 345 ótinim, «Jańa Alataý» qory qarjysynan - 751,9 mln teńgege 375 ótinim.

Sonymen qatar, Almaty qalasy aımaqtyq komıssııasynyń bastamasy boıynsha ShOB-qa keltirilgen shyǵyndy óteý tetigine tólemder boıynsha neǵurlym tıimdi nátıjege qoljetkizý úshin birqatar ózgerister engizildi.

Máselen, endi jeńildetilgen tásil boıynsha jyljymaıtyn múlik pen kólikke keltirilgen shyǵyn úshin 10 mln teńgege deıin (buryn 5 mln teńgege deıin); zaqymdalǵan jabdyqqa somasy boıynsha shekteýsiz (buryn 5 mln teńgege deıin) ótemaqy tólenedi.

Sondaı-aq, sot saraptamasyn júrgizý úshin jeke advokattardyń qyzmetine zardap shekken kásipkerlerdiń shyǵyndaryn óteý boıynsha ózgerister engizildi (buryn qyzmet ótinish berýshilerdiń esebinen tólengen).

Bul rette shyǵynnyń aldyn ala somasyn quqyq qorǵaý organdary 2022 jylǵy qańtardaǵy jappaı tártipsizdik nátıjesinde jábirlenýshi dep taný týraly qaýlyda jazyp qoıýǵa tıis (buryn rásim usynymdyq sıpatta bolǵan).