Almatyda qańtar aıynda 224 nysan karantın sharalaryn buzǵan
ALMATY. QazAqparat - Megapolıste qala ákiminiń tapsyrmasyna sáıkes monıtorıngilik toptardyń jumysy kúsheıtildi, dep habarlaıdy QazAqparat tilshisi.
Qańtar aıynda monıtorıng toptary 3061 nysandy tekserdi. Nátıjıesinde 224 mekemeniń karantın sharalaryn buzǵany anyqtaldy.
QR ÁqbK-niń 425-babyna sáıkes sharalar saqtamaǵany úshin 171 hattama toltyryldy. Onyń ishinde zańdy tulǵalarǵa 14 643 340 teńgege 44 hattama jáne jeke tulǵalarǵa betperde taǵý rejımin buzǵany úshin 5 600 640 teńgege 127 hattama jasaldy.
Mamandandyrylǵan aýdanaralyq ákimshilik sotyna zańdy tulǵalarǵa qatysty 462 baptyń 1 tarmaǵyna sáıkes «tekserýge kedergi keltirgeni» jáne 462 baptyń 3 tarmaǵyna sáıkes «kemshilikti joıý týraly nusqaýlyqty oryndamaǵany» týraly 20 materıal berildi.
Olar mynalar:
- Alataý aýdany boıynsha 3 materıal («Jaqsylyq» kafesi, «Shashlyk ortalyǵy» kafesi, «Shamo» JShS bılıard klýby);
- Almaly aýdany boıynsha 4 materıal («Fınık» meıramhanasy, «Fizika» túngi klýby, «Boohouse» kafesi, «Pırat» kafesi);
- Áýezov aýdany boıynsha 1 materıal («Ryba moeı mechty» karaoke-bary);
- Bostandyq aýdany boıynsha 1 materıal («Sunset» meıramhanasy «Master Fýd Kazahstan» JShS);
- Jetisý aýdany boıynsha 1 materıal (Nııazov J.A. kompıýterlik klýb - 5 AEK aıyppul salynyp, jumysy 3 aıǵa toqtatyldy);
- Medeý aýdany boıynsha 5 materıal («Vıktorııa» bıngo-klýby, «Orda game center» JShS kompıýterlik klýby, «Manana» meıramhanasy, «Pýgasov» meıramhanasy, «Barmaglot» bary);
- Naýryzbaı aýdany boıynsha 2 materıal («Premera» kafesi - 100 AEK aıyppul salynyp, jumysy 1 aıǵa toqtatyldy), «Taýjoly» kafesi - 100 AEK aıyppul salynyp, jumysy 1 aıǵa toqtatyldy);
-Túrksib aýdany boıynsha 3 materıal («Qazaqstan taekvon-do federatsııasy» qoǵamdyq birlestigi, «BekAr» oıyn klýby, «Erbil» meıramhanalyq-qonaq úı kesheni).
Sot arqyly jabylǵan karantındik tártipti jıi buzatyndar túrli aıla-tásilderdi qoldanyp, jumystaryn jalǵastyrýǵa tyrysýda. Atap aıtqanda, beıinderdiń, JK-diń, JShS meıramhanalary men túngi klýbtardyń ataýlaryn ózgertýde.
Mundaı tásilderge «NEBO», «BLA-BLA»meıramhanalary qoldady. Olar mekemelerin basqa adamdardyń attaryna aýdaryp, qaıta tirkelgennen keıin jumystaryn jalǵastyrýda. Sonyń saldarynan karantın rejımin buzǵan nysandarǵa sý men elektr qýatyn berýdi toqtatý boıynsha sharalar qabyldanatyn bolady.
