Almatyda «Qant dıabetine tekseril jáne dıabet qaterin anyqta!» atty tegin aktsııa ótedi
ALMATY. Qarashanyń 13-i. QazAqparat /Názıra Eleýhan/ -14-shi qarasha Búkilálemdik dıabetke qarsy kún. Almatyda osy kúnge oraı Respýblıka saraıynda Almaty qalasy ákimdigi men «Dıabet aýrýymen aýyratyndardy qoldaý qory» qoǵamdyq qorynyń birlese uıymdastyrýymen «Qant dıabetine tekseril jáne dıabet qaterin anyqta!» atty tegin aktsııa ótedi,
dep habarlaıdy QazAqparat.
Aktsııaǵa qatysýshylar endokrınolog-dárigerlerge tekserilip, qandaǵy qant dıabetiniń jedeldigin anyqtaı alady. Sonymen qatar, qosymsha EKG, ÝZI jáne taǵy da basqa tekserýlerden óte alady.
Qant dıabeti sozylmaly aýrýlar qataryna jatady. Dıabet (lat. diabetes mellitus) - bul qanda qant mólsheriniń kóbeıip ketýinen paıda bolatyn dert. Bul aýrýmen jas ta, kemel jastaǵylar da, kári de aýyrady. Ásirese, jasóspirim kezdegi dıabet aýrýy óte qıyn, mundaı jasta dıabetpen aýyrǵandarǵa arnaýly dári, ınsýlın qoldaný usynylady. Áıtse de bul aýrý 40-tan asqan, tamaqty shekten tys iship, tolysa bastaǵan adamdarǵa tán bolyp keledi.
