Almatyda qant baǵasyn kótergen kásipkerge aıyppul salynady

ALMATY. QazAqparat - QR Básekelestikti qorǵaý jáne damytý agenttiginiń Almaty qalasy boıynsha departamenti baǵa monıtorınginiń nátıjeleri boıynsha qant baǵasynyń alypsatarlyq ósý belgilerin anyqtady, dep habarlaıdy QazAqparat tilshisi.

Departament málimetinshe, qazirgi ýaqytta naryq sýbektileriniń basym úlesin aıqyndaý maqsatynda iri ónim berýshilerdiń atyna suraý salýlar jiberildi. Monopolııaǵa qarsy talqylaý qorytyndylary boıynsha tıisti shara qabyldanatyn bolady.

Monopolııaǵa qarsy departament dúrligýge jol bermeýge shaqyrady jáne básekelestikke qarsy kelisimder, kelisilgen is-áreketter nátıjesinde alypsatarlyq baǵanyń ósýi, sondaı-aq ústem jaǵdaıdy teris paıdalaný monopolııalyq tabysty (taza paıdany) tárkileı otyryp, tabystyń 3-5% - y mólsherinde aıyppul salýǵa ákep soǵatynyn eskertedi.