Almatyda qansha aýrýhana ortalyqtandyrylǵan ottegi stansasyna qosylǵan

ALMATY. QazAqparat- Almatyda 17 aýrýhana ortalyqtandyrylǵan ottegi berý qurylǵysyna qosylǵan. Bul týraly Almaty ákimi Baqytjan Saǵyntaev onlaın brıfıngte aıtty, dep habarlaıdy QazAqparat tilshisi.

Shahar basshysy byltyr aýrýhanalarda ottegi berý boıynsha biraz másele bolǵanyn atap ótti.

«Almatydaǵy 17 aýrýhana ortalyqtandyrylǵan ottegi berý qurylǵysyna qosylǵan. Byltyr kúz mezgilinde ony sheshtik. Ár palatada, ár tósek-oryn ottegi berý apparatyna qosylǵan. Qazir kez kelgen palatany reanımatsııaǵa aınaldyrýǵa bolady. Bul jumystyń bári qysqa merzimde atqaryldy. Sondyqtan bul másele boıynsha eshqandaı problema joq»,-dedi ákim.

Keshe koronavırýs ınfektsııasynyń 595 jańa jaǵdaıy tirkelgen.

Onyń 497-inde - koronavırýs ınfektsııasynyń belgisi bar jáne 98-i sımptomsyz pnevmonııa.

Aıta keteıik, Almaty 10 naýryzdan beri «qyzyl» aımaqta. Karantın sharalary 12 sáýirge deıin uzartyldy.