Almatyda qansha adamnyń baspana kezeginde turǵandyǵy belgili boldy
ALMATY. QazAqparat – Almatyda 26 myńǵa jýyq adam baspana kezeginde tur. Bul týraly Almaty qalasy turǵyn úı saıasaty basqarma basshysynyń orynbasary Aıbek Saıdeldaev onlaın brıfıng barysynda aıtty, dep habarlaıdy QazAqparat tilshisi.
«Qazirgi tańda qalada 26 myńǵa jýyq adam úıge kezekte tur. Kópbalaly analardan 2180 adam, jetim balalardan 600, áleýmettik osal toptardan 12 myń, memlekettik qyzmetkerlerden 10 myńǵa jýyq adam kezekte tur. 2020 jyly 3 myńǵa jýyq úı paıdalanýǵa beriledi. Onyń ishinde «Almaty jastary» boıynsha 188 jasqa páter kilti tabys etildi»,– deıdi Aıbek Saıdeldaev.
Sonymen qatar, ol respýblıkalyq «Baqytty otbasy» baǵdarlamasy boıynsha 1696 adamnan ótinish túskenin atap ótti.
«Baqytty otbasy» boıynsha 1696 adam ótinish berdi. Nesıe berý lımıtterin QR IIDM óńirler boıynsha bóledi. Almaty qalasyna 3,7 mlrd teńge somasyna 376 qaryz bólindi, onyń ishinde: 188 – kópbalaly otbasy, 188 – tolyq emes otbasy jáne múgedek balalardy tárbıelep otyrǵan otbasylary bar. 2020 jylǵy 7 tamyzda 155 nesıelik qaryz berildi», - dedi ol.
