Almatyda qańǵybas ıtterge «baspana» salynbaq
ALMATY. QazAqparat - Almatyda kósheden ustalǵan qańǵybas haıýanattarǵa arnalyp óndiristik baza salynyp, onyń qyzmetkerleri úshin de ákimshilik ǵımarat turǵyzylmaq. Bul týraly Almaty Aýyl sharýashylyǵy basqarmasy basshysynyń orynbasary Nurlan Qarabatyrov aıtty, dep habarlaıdy QazAqparat tilshisi.
«Almatynyń Alataý aýdanynan kóshedegi ıtterge arnalyp óndiristik baza jáne onyń jumysshylaryna ákimshilik ǵımarat salýǵa 1 gektar jer berildi. Qazirgi birinshi kezeńinde bazany salý mindeti tur. Jaqyn ýaqytta jobalaý-smetalyq qujattaryn ázirleý men qurylysqa qajetti qarjy bólý qarastyrylyp otyr», - dedi ol.
«Almaty veterınarııa ortalyǵy» KMK dırektory Salaýat Bektemisov haıýandardy aýlaý izgi tásilmen júzege asatynyn aıtty.
Onyń aıtýynsha, qańǵybas ıtterdi aýlaýǵa arnaıy preperattar alynǵan.
«Bizde ıtter men mysyqtarǵa arnalǵan tamaqtar bar. Olardy tamaqtandyrmaıdy degen jalǵan sóz. Biz qorektendiremiz. Dezınfektsııa kúndelikti jasalady. Bul aýyr jumys. Itterge zalal keltirmeı uıyqtatamyz. Onyń barlyǵy ońaı sharýa emes», - dedi Bektemisov.
Onyń aıtýynsha, byltyr 22 myń ıt pen mysyqty uıyqtatý arqyly aýlansa, onyń 390-y ıelerine qaıtarylǵan. Bıyl 9 300 haıýan aýlansa, onyń 380-i qaıtarylyp berildi.
