Almatyda qandaı jer ýchaskeleri májbúrli túrde qaıtarylady

ALMATY. QazAqparat - Almaty ákimdigi jer telimderin májbúrli túrde alý týraly birqatar qaýly shyǵardy. Bul jer ýchaskelerine jol aıyryqtary salynyp, sý qubyry júrgizilmek, dep habarlaıdy QazAqparat tilshisi.

"Jalpy kólemi 0, 18161 ga bolatyn jer ýchaskeleri memleket qajettilikteri úshin satyp alynady. Atap aıtqanda, Abaı kóshesin Momyshuly kóshesinen Naýryzbaı aýdanyna deıin uzartý úshin qaıtarylady. Aýdany 0,1955 ga jer Ryskulov-Emtsov kóshelerinde jol aıyryǵyn salýǵa alynady. Bul terrıtorııalar 2019 jyldyń 30 qyrkúıegine deıin májbúrli túrde bosatylýy tıis. Eń úlken terrıtorııa Qulja jol aıyryǵyn salýǵa alynady.

Májbúrli túrde memleket qajettiligi úshin Ábdiralıeva Gúljan Endihanqyzynyń, Saýhymbaev Erlan Joldasbekulynyń  0,0600 ga jer telimi bıylǵy 31 jeltoqsanǵa deıin alynady»,- delingen ákimdik qaýlysynda. 

Sonymen qatar,  Kamenskoe plato shaǵyn aýdanyndaǵy 0,5149 ga jer sý qubyryn júrgizý úshin alynady.

Sol sebepti,  "Alataýjaryq" kompanııasy men Kóz aýrýlary ǵylymı ınstıtýty birqatar jer telimin bosatýǵa tıisti bolmaq.

«Memlekettik qajettilik úshin aýmaǵy 0,2623 ga bolatyn Kóz aýrýlary ǵylymı ınstıtýtynyń jer telimi májbúrli túrde keler jyldyń 31 jeltoqsanyna deıin alynady. Ol jerde perzenthana qurylysy bastalady»,-  delingen habarlamada.