Almatyda qandaı jaǵdaıda jańa trolleıbýstar satyp alynady
ALMATY. QazAqparat - Almaty qalalyq mobıldilik basqarmasy megapolıske qandaı jaǵdaıda jańa trolleıbýstar satyp alynatynyn málim etti, dep habarlaıdy QazAqparat tilshisi.
«Almaty qalasyndaǵy trolleıbýs jáne kabel jelilerin jańǵyrtý» jobasy aıasynda 6-10 kV jáne 600 kabeldik jelini aýystyrý boıynsha jumystar júrgizilip jatyr.
«2020 jylǵa josparlanǵan keıbir jumystar pandemııaǵa baılanysty 2021-2022 jyldarǵa shegerildi. Jańartý aıasyndaǵy barlyq jumys kólemi aıaqtalǵannan keıin, bar problema sheshiletin bolady», - dep atap ótti basqarmadaǵylar.
Almaty qalalyq mobıldilik basqarmasynyń málimetinshe, búgingi tańda trolleıbýs parkinde 2013-2014 jyldary satyp alynǵan trolleıbýstar bar.
«Qazir qalada júrip júrgen trolleıbýstarǵa segiz jyl boldy. Bıýdjetten qarajat bóline salysymen jańa trolleıbýstar satyp alynady», - dep habarlady basqarmadan.
Basqarma usynǵan statıstıkaǵa sáıkes, aıyna orta eseppen bes ret kabeldiń isten shyǵýy tirkeledi.
