Almatyda qandaı jaǵdaıda qatań shekteý sharalary alynady
ALMATY. QazAqparat - Almaty qalasynyń bas memlekettik sanıtarlyq dárigeri Jandarbek Bekshın shekteý sharalary qandaı jaǵdaıda alynatynyn aıtty, dep habarlaıdy QazAqparat tilshisi.
Bul týraly ol, Іnstagram-daǵy paraqshasynda málim etti.
Onyń aıtýynsha, basty mindet- halyqtyń ımmýndyq qabatyn qalyptastyrý.
«Bizdegi shekteý sharalaryn alyp tastaý úshin, turǵyndardyń 70-80% -y vaktsına alýy kerek. Tek sol kezde birtindep shekteý sharalaryn alyp tastaı alamyz»,-dedi ol.
Sonymen qatar, ol qazir Almaty «qyzyl» aımaqta, jaǵdaı shıelenisip turǵanyn atap ótti.
Aıta keteıik, 16 tamyzdaǵy málimet boıynsha Qazaqstanda koronavırýsqa qarsy vaktsınanyń I komponentin 6 092 882 adam saldyrdy. II komponentin saldyrǵandar sany 4 717 883 adamdy qurap otyr.
