Almatyda qandaı jaǵdaıda karantın kúsheıýi múmkin - Saǵyntaev
ALMATY. QazAqparat – Almaty ákimi Baqytjan Saǵyntaev qandaı jaǵdaıda karantın talaptary kúsheıtilýi múmkin ekenin aıtty, dep habarlaıdy QazAqparat tilshisi.
«Biz apta saıyn sarapshylarmen, epıdemıologtarmen jumys isteımiz. Ár juma saıyn ZOOM arqyly barlyq emhanalar men aýrýhanalardyń bas dárigerlerimen jıyn ótedi. Ol jerde epıdahýaldyń jaı kúıi talqylanady. Ortaq palatada, jan saqtaý bóliminde jatqan naýqastardyń jaǵdaıyn bilemiz. Qandaı tendentsııa bolyp jatqanyna qarap boljam jasaımyz», - dedi B. Saǵyntaev Ortalyq kommýnıkatsııalar qyzmetindegi brıfıngte.
Onyń aıtýynsha, jazda qatań karantın rejımine kóshý máselesine qatysty arnaıy algorıtm jasalǵan. Bul statsıonardaǵy adam sanyna baılanysty bolmaq.
«Eger biz barlyq talaptardy buzyp, ár jerdejúrsek, ara qashyqtyq saqtamasaq, kúnine naýqastar sany 100-105 adamǵa ósse, sharalardy kúsheıterimiz anyq. Eger odan kóp bolsa, odan da qatań sharalarǵa kóshemiz», - dedi ákim.
