Almatyda qandaı saýda úılerinde ekpe salý jumysy júrgizilmek
ALMATY. QazAqparat - Almaty qalalyq qoǵamdyq densaýlyq basqarmasynyń ókili, telemedıtsına ortalyǵynyń basshysy Laýra Myrzaǵalı onlaın brıfıng barysynda qaladaǵy qandaı saýda úılerde vaktsına salý jumysy júrgiziletinin aıtty, dep habarlaıdy QazAqparat tilshisi.
«Qazir biz Alataý aýdanyndaǵy «Baq orda» saýda úıi, Áýezov aýdanynda «Spýtnık», «Grand park», «Máskeý», «Almaty moll», «Azııa park» saýda úıleri, Bostandyq aýdanynda «Mega Almaty» ortalyǵy, «ADK» saýda úıi, «Esentaı moll», «Forým», «Almaty», «Atakent moll» saýda úılerinde, Jetisý aýdanynda «Maksıma», «Adem», «Mereı» saýda úıleri. Al Medeý aýdanynda «Dostyq plaza», «GÝM» saýda úıleri. Túrksib aýdanynda «Mak» jáne taǵy basqa saýda núktelerin qarastyryp jatyrmyz», - dedi ol.
Qalada jalpy 31 saýda úıinde ekpe salý jumysy júrgizilmek.
«Sáýirde koronavırýsqa qarsy jappaı ekpe salý bastaldy. Aldaǵy ýaqytta qalaǵa úlken mólsherde vaktsına dozasy jetkiziledi. Qazir soǵan daıyndyq jumystary júrgizilip jatyr. Qazir Almaty emhanalary ekpe salý boıynsha baza jasap jatyr, ıaǵnı sozylmaly dert esebinde turǵan adamdardyń tizimin jáne kimniń ekpege qarsy belgileri baryn anyqtaýda», - dedi Laýra Myrzaǵalı.
