Almatyda qandaı nysandar men kásiporyndardyń jumys isteýine tyıym salynǵan
«Almaty qalasynda karantın sharalarynyń rejımi men merzimi COVID-19 ınfektsııasynyń taralýy boıynsha qalyptasqan epıdemıologııalyq jaǵdaıǵa sáıkes ózgertilýi múmkin» delingen Almaty qalasynyń bas memlekettik sanıtar dárigeri Jandarbek Bekshınniń qaýlysynda.
Sheshimge sáıkes, Almaty ákimdigi men qalanyń aýdandary, polıtsııa departamenti, kásipkerlik, ındýstrıaldy-ınnovatsııalyq damý basqarmasy jáne «Atameken» UKP osy tyıymnyń saqtalýyn qamtamasyz etýi tıis.
Atap aıtsaq, dinı oryndar, saýda jáne oıyn-saýyq ortalyqtary, kınoteatrlar, teatrlar, kórmeler, ınternet jáne kompıýter klýbtary, oıyn oryndary, otbasylyq demalatyn ortalyqtar men halyq kóp jınalatyn basqa da obektiler jumys istemeıdi.
Odan bólek:
- avtobýs beketteri, temirjol vokzaly, oblys, qala, eldi mekender arasynda jolaýshy tasymaldaıtyn avtostansalar;
- bilim berý ortalyqtary, art-klýbtar, balalarǵa arnalǵan oıyn ortalyqtary;
- mektepke deıingi mekemeler, oıyn-saýyq ortalyqtary (býkmerlik keńseler, bılıard, karaoke, ps-klýb, kvest, antıkafe, boýlıng-ortalyqtary)
- fıtnes, ıoga, basseın, tır jáne basqalar.
- týrıstik nysandar men halyqqa qyzmet kórsetý salasyndaǵy nysandar (qonaq úıler, demalys úıleri, týrıstik ortalyqtar jáne basqalar);
- aýdany 500 sharshy metrden asatyn azyq-túlik satpaıtyn dúkender, saýda ortalyqtary.
Eske salaıyq, bul shekteýler epıdemılogııalyq jaǵdaıǵa baılanysty ózgerýi múmikin.