Almatyda qandaı mamandar jetispeıdi
Eńbek resýrstaryn damytý ortalyǵynyń málimetinshe, 2020 jyldyń 3-toqsanynda Almatyda kúzetshi (702 bos jumys orny), áleýmettik qyzmetker (629 bos jumys orny) jáne dánekerleýshi (567 bos jumys orny) eń tapshy mamandyqtar boldy. Tym artyq mamandyqtar qatarynda jalpy hırýrg dáriger (64 túıindeme), terapevt dáriger (63 túıindeme) jáne shet tili muǵalimi (58 túıindeme) bar.
Jalpy atalǵan kezeńde www.enbek.kz elektrondyq eńbek bırjasynyń bilikti eńbek bóliminde Almaty boıynsha 19,3 myń bos jumys orny ornalastyryldy, onyń ishinde ónerkásip, qurylys, kólik jáne basqa da uqsas kásip jumysshylary úshin 5 myń bos jumys orny, kásibı mamandar úshin 4,3 myń bos jumys orny, ákimshilendirý salasyndaǵy qyzmetshiler úshin 3,2 myń bos jumys orny.
2020 jyldyń 9 aıy ishinde barlyǵy 56,2 myń jumys orny, onyń ishinde shaǵyn jáne orta bıznes sýbektileri (24,3 myń), «Eńbek» baǵdarlamasy (17,7 myń) men Jumyspen qamtýdyń jol kartasy (9,2 myń) aıasynda quryldy.
2020 jyly Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn iske asyrý jalǵasty.
Birinshi baǵyt sheńberinde 2020 jyldyń 9 aıy ishinde 9-11 synyptardyń 8,3 myń túlegi, onyń ishinde 2017 jyldan bastap oqýyn jalǵastyratyn, ómirlik qıyn jaǵdaıda júrgen, az qamtylǵan otbasy músheleri men azamattardyń ózge de sanattary tehnıkalyq jáne kásiptik bilimmen qamtyldy.
2020 jyly qysqa merzimdi kásiptik oqytýmen 1005 adam qamtyldy. 2017 jyldan bastap qamtý 8,4 myń adamdy qurady. Qysqamerzimdi kásiptik oqytý 25 mamandyq boıynsha júrgiziledi: 3 aılyq oqytý – avtoelektrık, avtoslesar, armatýrashy, veb-dızaıner, vızajıst, tas qalaýshy, jıhaz jınaqtaýshy, baqylaýshy-kassır, syrlaýshy, manıkıýr sheberi, aǵash jáne jıhaz tsehynyń sheberi, EEM operatory, daıashy, naýbaıshy, baltashy, aspaz, tiginshi, sylaqshy, kólik jóndeýshi, ekskýrsııa jetekshisi, elektrık, elektrgazben dánekerleýshi, 4 aılyq oqytý – ekinshi razrıadty tiginshi.
Ekinshi baǵyt sheńberinde bıznes jobalardy iske asyratyn nemese iske asyrýdy josparlaıtyn jumyssyzdarǵa jáne ózin-ózi jumyspen qamtyǵandarǵa mıkrokredıtter beriledi. 2020 jyldyń 9 aıy ishinde 594 mln teńgege 39 joba qarjylandyryldy.
Budan bólek, atalǵan baǵyt sheńberinde 947,3 mln teńgege 1705 grant berildi.
Úshinshi baǵyt sheńberinde 2020 jyldyń 9 aıynda júgingen azamattarǵa memlekettik qoldaý sharalary kórsetildi:
– áleýmettik kásiptik baǵdarlaý, mamandyq tańdaýǵa kómektesý, oqytý jáne jumysqa ornalastyrý máseleleri boıynsha keńester – 6 myń adam (2017 jyldan bastap – 13 myń adam);
– turaqty jumys oryndaryna ornalastyrý – 24,8 myń adam (2017 jyldan bastap – 78,3 myń adam);
– áleýmettik jumys oryndaryn qurý – 1158 adam (2017 jyldan bastap – 4,4 myń adam);
– jastar praktıkasyn uıymdastyrý – 1337 adam (2017 jyldan bastap – 4,9 myń adam);
– qoǵamdyq jumystar uıymdastyrý – 15,2 myń adam (2017 jyldan bastap – 24,5 myń adam).
2020 jyldyń shildesinde Almaty qalasy Tsıfrlandyrý basqarmasy men Almaty qalasy Jumyspen qamtý ortalyǵy Coursera kompanııasymen 5 myń adamǵa álemniń jetekshi kompanııalary men ýnıversıtetterinen tegin kýrstardan ótý múmkindigin berý týraly kelisimge qol qoıdy.
Búginde 3,5 myńnan astam adam coursera.org – álemge áıgili onlaın oqytý platformasynda bilim alyp, biliktiligin arttyrdy.
Suranysqa ıe kýrstardyń ondyǵyna Communication, Computer Programming, Mathematics, Probability and Statistics, Statistical Programming, Data Analysis, Leadership and Management, Entrepreneurship, Theoretical Computer Sciences jáne Finance kiredi.
