Almatyda qandaı avtobýstardyń baǵyty ózgerdi
ALMATY. QazAqparat - Almatyda eki avtobýs marshrýtynyń qozǵalys baǵytyna ózgeris endi, dep habarlaıdy QazAqparat tilshisi.
№141 avtobýs baǵyty ózgerdi.
4 naýryzdan bastap sońǵy aıaldama «Kópir» avtostansasynan GES aıaldamasyna deıin uzartylady. Kún saıyn marshrýtta 15 avtobýs jumys isteıdi. Qoǵamdyq kólikke «Oljas LTD» JShS qyzmet kórsetedi.
«№141 avtobýs baǵyty Medeý aýdanynda ornalasqan «Balbulaq» saýyqtyrý ortalyǵy men «Alataý» balalar klınıkalyq shıpajaıynyń qyzmetkerleri men kelýshileriniń ótinishterine baılanysty ózgertildi», - dep atap ótti Almaty qalasynyń qalalyq mobıldilik basqarmasynan.
Sondaı-aq, qaladaǵy №15 avtobýstyń Orbıta shaǵyn aýdanyndaǵy qozǵalys syzbasy da ózgergen. Marshrýt Navoı kóshesinen Mustafın kóshesine baǵyttalǵan. Jelide 23 quram jumys isteıdi. Avtobýsqa «Batý travel kompanııasy» JShS qyzmet kórsetedi.
