Almatyda qandala dárisinen ýlanǵan er adam kóz jumdy
ALMATY. QazAqparat –Almatyda qandala ýlaımyn dep jansaqtaý bólimine anasymen birge túsken 32 jastaǵy er adam qaıtys boldy, dep habarlaıdy QazAqparat tilshisi Almaty qalalyq qoǵamdyq densaýlyq saqtaý basqarmasyna silteme jasap.
«Er adam 12 jeltoqsanda keshki ýaqytta kóz jumdy, júregi toqtap qaldy. Osy ýaqytqa deıin qalalyq jedel járdem aýrýhanasynda jansaqtaý bóliminde jatty. Esin jımastan qaıtys boldy. Dárigerler barlyq sharany qoldandy, alaıda ómirin saqtap qalý múmkin bolmady», - delingen Qoǵamdyq densaýlyq saqtaý basqarmasynyń habarlamasynda.
Eske salaıyq, anasy men uly aýrýhananyń jansaqtaý bólimine 1 jeltoqsan kúni tústi. Olarǵa jándikterdi óltiretin quraldan ýlaný dıagnozy qoıylǵan bolatyn.
