Almatyda qandala dárisinen ýlanǵan áıel aýrýhanada qaıtys boldy
ALMATY. QazAqparat - Almatyda 67 jasar áıel qaıtys boldy, ol ulymen birge páterine qandalanyń kózin joıatyn dári sepken, keıin ózderi soǵan ýlanyp qaldy, dep habarlaıdy QazAqparat tilshisi.
Almaty qalalyq Qoǵamdyq densaýlyq saqtaý basqarmasynyń habarlaýynsha, qandala dárisine ýlanyp qalǵan áıel es jımastan kóz jumdy.
«Keshe 18 jeltoqsan kúni 1952 jyly týǵan naýqas es jımastan qaıtys boldy. Ol Almaty qalalyq shuǵyl medıtsınalyq kómek kórsetý aýrýhanasyna jándik dárisinen ýlanyp túsken bolatyn. Osy ýaqyt ishinde ol es-tússiz aýyr halde boldy. Júregi toqtap qaldy. Dárigerler barlyq reanımatsııalyq sharalardy ótkizdi, biraq ajaldan arashalap qala almady », - dep habarlady basqarmadan.
Eske salaıyq, anasy men uly aýrýhananyń jansaqtaý bólimine 1 jeltoqsan kúni tústi. Olarǵa jándikterdi óltiretin quraldan ýlaný dıagnozy qoıylǵan bolatyn.
12 jeltoqsan kúni 1987 jylǵy er adam es jımastan kóz jumǵan edi. Dárigerlerdiń qajetti medıtsınalyq kómegi tolyq kólemde kórsetildi, biraq onyń ómirin saqtap qalý múmkin bolmady.
foto: heaclub.ru