Almatyda Qanat Nurovtyń «Qazaqstan: ulttyq ıdeıa jáne dástúrler» atty kitabynyń ekinshi basylymynyń tanystyrylymy bolyp ótti

Kitapta avtor ulttyq ǵylymı negizde qazaqtyń baıyrǵy jeke derbes ashyqtyq dástúrin jańartý jónindegi ulttyq ıdeıa týrasynda óziniń jeke pikirin bildirgen.

Monografııa mazmuny - Qazaqstannyń tarıhı murasyn jáne onyń jańarýǵa degen múmkindigin etnografııalyq turǵyda zertteýden turady.

"Qazaq tarıhy kóptegen qupııalar men jumbaqtarǵa toly. «Qazaq» sóziniń maǵynasy jáne rýǵa, júzge bólinýiniń máni týrasynda osy kúnge deıin pikirtalas júrýde. Kitap atalǵan máselelerge jaýap berip, qazaqtardyń etnıkalyq minez bitisterin negizge ala otyryp, barlyq qazaqstandyqtardyń aldyna ulttyq (jalpy azamattyq) maqsatty, ıaǵnı aqparattyq qoǵamnyń úlgisine aınalý maqsatyn qoıady", - deıdi kitap avtory.

Onyń aıtýynsha, qazaq ıdeıasy Qazaqstan ultyn ındýstrııalyq deńgeıge ǵana emes, sondaı-aq, qarym-qatynas mádenıetiniń aqparattyq deńgeıine shyǵarmaq. "Sol kezde «qazaq» jáne «qazaqstandyq» uǵymdary birjolata teńesip ketpek",-deıdi ol.

Kitapta sondaı-aq, dala erkindiginiń biregeı dástúrleri men Qazaqstanda ashyq azamattyq qoǵam men quqyqtyq memlekettiń damý bolashaǵy arasyndaǵy salystyrýlar keltirilgen.

Jumys óziniń polemıkalyq stılimen erekshelenedi (avtor óziniń erte ýaqytta aıtylǵan keıbir ıdeıalaryn syn kózimen qaıta qarap, ǵylymı baǵamyn usynǵan). Sondyqtan atalǵan kitaptyń birinshi basylymy da, ekinshi basylymy da qoǵam ishinde pikirtalas týdyryp, óziniń jaqtaýshylary men qarsylastaryn da tabatyny sózsiz.