Almatyda qan aınalymy aýrýynan bolatyn ólimdi azaıtý máselesi qaraldy
Almaty.16 qyrkúıek. QazAqparat /Ádilet Musahaev/ - Almatyda búgin elimizdiń ońtústik aımaqtaryndaǵy qan aınalym júıesi aýrýynan óletinder mólsherin tómendetý máselesi talqylandy.
A.N.Syzǵanov atyndaǵy Ulttyq hırýrgııa ǵylymı ortalyǵynyń dırektory Jetkergen Arzyqulov osy baǵytta jasalyp jatqan sharalarynyń josparymen tanystyryp ótti. "Salamatty Qazaqstan" baǵdarlamasy aıasynda 2011-2015 jyldarda qan aınalym júıesi aýrýynan bolatyn ólimdi azaıtý kózdelgen. Bul aýrýdyń túri jurtshylyqqa qater tóndirýde, ıaǵnı adamnyń múgedek bolýy men eresek adamdardyń ólimine ákeletin basty sebep»,-deıdi ol.
Onyń aıtýynsha, osy aýrý túrinen kóz jumatyn adamdar sany sońǵy 10 jylda esh ózgermegen, kerisinshe ósýde eken. Máselen 2010 jyly ólim kórsetkishi elimizde 100 myń adamǵa shaqqanda 403,99 quraǵan. Al ońtústik aımaqta 100 myń adamnyń - 390,3-i osy dertten kóz jumǵan
Jıyn barysynda ońtústik aımaqtyń resýrstaryna taldaý júrgizilip, kardıohırýrgııalyq klınıkanyń deńgeıi men oblystyq klınıkalar aldyndaǵy tapsyrmalar anyqtalyp, kadrlar mólsheri, qurylǵylarmen jabdyqtalý máselesi men oǵan degen suranys jaǵy sóz boldy.
Sonymen qatar jıyn barysynda kadrlardyń bilimin jetildirý men olardy daıyndaý baǵdarlamasyn qurý, materıaldyq-tehnıkalyq jaǵyn jaqsartý sóz boldy.
