Almatyda qamystan salynǵan úı órtendi
ALMATY. QazAqparat - Almatynyń Túrksib aýdanyndaǵy Merqulov kóshesinde ornalasqan jekemenshik úı órtke orandy, dep habarlaıdy QazAqparat tilshisi.
QR ІІM TJK baspasóz qyzmetiniń habarlaýynsha, tótenshe jaǵdaı týraly habarlama túski 13:37-de túsken. Órt sóndirýshiler oqıǵa ornyna jetkende úıdiń karkas pen qamystan soǵylǵan shatyry órtenip jatqan.
Der kezinde kelgen órt sóndirýshiler japsarlas ornalasqan úılerdi jalyn sharpýyna jol bermeı, úıden 3 gaz ballonyn alyp shyqty. Órt 14:01 shamasynda aýyzdyqtalyp, óshirildi.
Tilsiz jaý 240 sharshy metr aýmaqty jaramsyz etti.
Órtti sóndirýge 24 qyzmetker men 6 tehnıka jumyldyryldy. Tótenshe jaǵdaıdan eshkim japa shekken joq.
