Almatyda qamqorshylyq keńesi otyrysynda jalǵyz basty analarǵa qoldaý kórsetý qarastyryldy
ALMATY. QazAqparat - Almaty ákiminiń orynbasary Erjan Babaqumarov «Úmit úıinde» qalalyq qamqorshylyq keńesiniń otyrysyn ótkizdi, dep habarlaıdy QazAqparat tilshisi.
Otyrys barysynda qıyn jaǵdaıdaǵy jalǵyz basty analar men ákelerge kómek kórsetý múmkindikteri qarastyryldy. Tıisti basqarmalar men aýdan ákimdikterine jumysqa ornalasýǵa járdemdesý, onyń ishinde memlekettik jáne salalyq baǵdarlamalar aıasynda, sondaı-aq medıtsınalyq jáne bilim berý qyzmetterimen qamtý boıynsha sharalar qabyldaý tapsyryldy.
Búginde Úmit úıinde jańa týǵan sábılerden bastap, 7 jasqa deıingi balalar ýaqytsha tárbıelenip jatyr. Mekeme jumys istegeli munda 604 tárbıelenýshi oqytyldy. Olardyń mektepke deıingi bilim jáne tárbıe alýyna fızıkalyq, psıhologııalyq jáne adamgershilik-rýhanı damýyn eskere otyryp jaǵdaı jasalǵan.
