Almatyda kámeletke tolmaǵan sottalýshylardyń jer astyn qazyp, toptap qashý áreketiniń joly kesildi
ASTANA. 19 qyrkúıek. QazAqparat - Seısenbiden sársenbige qaraǵan túnde kámeletke tolmaǵan qylmyskerlerdiń respýlıkadaǵy birden-bir almatylyq kolonııasynda sottalýshylardyń toptyq qashý áreketiniń joly kesildi,
dep habarlady Almaty qalasy jáne Almaty oblysy boıynsha QAJ departamentinen.
Departament bastyǵy Baqytjan Sádibekovtiń aıtýynsha, qazirgi kezde jer astyn qazyp qashpaqshy bolǵan jasóspirimderdiń dál sany jáne ony uıymdastyrýshylar naqtylanýda. Jer astynan uzyndyǵy tórt metr, tereńdigi eki metr bolatyn qazylǵan shuńqyr anyqtaldy.
Eske sala keteıik, QAJ qyzmetkerleriniń saýatty jumysynyń arqasynda budan buryn Shyǵys Qazaqstan oblysyndaǵy túzeý mekemeleriniń birinde ótken aptada bolǵan bes adamnan quralǵan sottalýshylardyń osyndaı áreketiniń der kezinde jol kesilgen bolatyn, dep habarlady QR ІІM QAJK baspasóz qyzmeti.
