Almatyda KamAz Toıota kóligin qaǵyp ketti
ALMATY. QazAqparat - Almatyda Toyota Camry jeńil kóligi men «KamAZ» júk kóligi soqtyǵysyp qaldy.
Qalalyq ІІD baspasóz qyzmetiniń habarlaýynsha, jol-kólik apaty Raıymbek kóshesiniń shyǵys baǵytynda «Arzan» sýpermarketi tusynda saǵat: 13-45-te bolǵan.
Toıota kóliginiń rólinde jas qyz bolǵan. Kýágerlerdiń aıtýynsha, ol ortańǵy qatardan sol jaq qatarǵa aýyspaq bolǵan. Biraq, durys burylmaǵandyqtan júk kóligine soǵylǵan. KamAz ony jol ortasyndaǵy qorshaýǵa soqqan. Jol apatynan Toıota júrgizýshisi zardap shekti. Biraq ol medıtsınalyq kómekten óz erkimen bas tartty.
Áýezov aýdandyq ІІB-niń polıtsııa qyzmetkerleri jol apatynyń sebebin anyqtaıdy.
