Almatyda KamAZ moped mingen jigitti qaǵyp, mert qyldy
ALMATY. QazAqparat – Almatyda KamAZ moped aıdaǵan adamdy qaǵyp ketti, dep habarlaıdy QazAqparat tilshisi.
Almaty polıtsııa departamentiniń málimetinshe, jol apaty 14 shilde kúni saǵat 17:00 shamasynda Alataý aýdanynda bolǵan.
60 jastaǵy KamAZ kóliginiń júrgizýshisi Raıymbek dańǵylymen batys baǵytta kele jatyp, sol baǵytta júrip kele jatqan mopedpen soqtyǵysty.
«Apat saldarynan moped júrgizýshisi A. esimdi azamat alǵan jaraqattarynan oqıǵa ornynda kóz jumdy», - deıdi Almaty qalasy ІІD tergeý basqarmasynyń bastyǵy, polıtsııa podpolkovnıgi Oljas Sháripov.
Atalǵan fakti sotqa deıingi tergeýdiń biryńǵaı tiziliminde Qazaqstan Respýblıkasy Qylmystyq kodeksiniń 345-baby 3-bólimi boıynsha tirkeldi.
Tergeý bastaldy.
