Almatyda KamAZ-dyń mas júrgizýshisi eki kólik pen aıaldamany soqty
ALMATY. QazAqparat- Almatyda KamAZ kóliginiń mas júrgizýshi eki mashına men aıaldamany soqty, dep habarlaıdy QazAqparat tilshisi.
Resmı málimetke sáıkes, jol apaty 5 qazan kúni túski saǵat 12:00 shamasynda F. Ońǵarsynova kóshesi men Q.Rysqulov dańǵylynyń qıylysynda boldy.
«Іshimdik ishken «KamAZ 5410 « avtokóliginiń L. esimdi júrgizýshisi Q. Rysqulov dańǵyly boıymen batys baǵytta kele jatyp F. Ońǵarsynova kóshesine ońǵa burylyp, «Toyota Land Cruiser Prado» kóligimen soqtyǵysqan, sodan keıin joldyń jıeginde toqtap turǵan «Hyundai» kóligin soǵyp, keıin aıaldamaǵa soǵylyp baryp toqtady. Apat saldarynan barlyq kólik pen aıaldama kesheni mehanıkalyq zaqym aldy, zardap shekkender joq», - dedi Almaty qalasy Polıtsııa departamenti tergeý basqarmasynyń bastyǵy Oljas Sháripov.
Onyń aıtýynsha, tergeýdi Alataý aýdandyq polıtsııa basqarmasy júrgizedi.
