Almatyda KamAZ ben jeńil kólik soqtyǵysyp, jeke úılerdiń qorshaýyn qıratty
ALMATY. QazAqparat -Almatyda KamAZ ben jeńil kólik soqtyǵysyp, jeke úılerdiń qorshaýyn qıratty, dep habarlaıdy QazAqparat tilshisi.
Jol-kólik apatynyń vıdeosy áleýmettik jelide tarady.
Qalalyq polıtsııa departamantiniń baspasóz qyzmeti málim etkendeı, jol-kólik oqıǵasy 3 maýsym túski saǵat 13:30 shamasynda bolǵan.
«Kia Rio» avtokóliginiń júrgizýshisi Enıseı kóshesimen shyǵys baǵytta kele jatyp Papanın kóshesiniń qıylysynda 2.4 (jol berińiz), erejesin elemeı Papanın kóshesimen ońtústik baǵytta qozǵalyp bara jatqan KamAZ-ǵa soǵyldy.
«Saldarynan KamAZ júk kóligi joldan shyǵyp ketip, eki úıdiń temir qorshaýy men gaz qubyrynyń tiregine soǵyldy. Atalǵan fakt boıynsha tekserý bastaldy», - dedi Almaty qalasy polıtsııa departamentiniń tergeý basqarmasynyń Oljas Sháripov.
