Almatyda KamAZ aýdarylyp qaldy
ALMATY. QazAqparat - Almatyda Ál-farabı kóshesinde «KamAZ» júk kóligi aýdarylyp qaldy, dep habarlaıdy QazAqparat tilshisi.
Ál-Farabı kóshesimen shyǵysqa qaraı bet alǵan júrgizýshi Dostyq kóshesine túsetin jolaıryqqa kelgende kólikti basqara almaı qalǵan.
Kýágerlerdiń aıtýynsha, júrgizýshiniń densaýlyǵy kúrt syr bergen. Sonyń kesirinen júk kóligi kópirden aýyp ketip, aınalma jolǵa bir búıirmen qulaǵan.
Soqqydan kóliktiń aldyńǵy qos dóńgelegi julynyp ketken.
Júrgizýshini jedel járdem aýrýhanaǵa alyp ketti. Jol apatynyń mán-jaıyn polıtsııa anyqtap jatyr.
