Almatyda qamaýdaǵy áıeldi zorlaǵan kúdikti 2 aı merzimge tutqyndaldy
ALMATY. QazAqparat - Almatyda QR ІІM Qylmystyq atqarý júıesi komıtetiniń LA-155/18 mekemesiniń tergeý abaqtysynda jazasyn ótep júrgen Natalıa Selekıshınany zorlaǵan kúdikti eki aı merzimge tutqyndaldy.
«Almaty qalasynyń №2-shi Medeý aýdandyq soty QR Qylmystyq Kodeksiniń 362-shi baby 4-shi tarmaǵynyń 1-shi bóligi (qyzmet babyn asyra paıdalaný) jáne 120-shy baby 2-shi tarmaǵynyń 4-shi bóliginde (zorlaý) qarastyrylǵan quqyq buzýshylyqtardy jasaǵan degen kúdikpen ustalǵan tulǵaǵa qatysty qamaýǵa alý jóninde bultartpaý sharasyn sanktsııalady. Aýdandyq sot H. R.-ǵa qatysty 2 aı merzimge qamaýǵa alý jóninde bultartpaý sharasyn santsııalaý týraly qaýly shyǵardy», - delingen habarlamada.
Esterińizge sala ketelik, sottalýshy Natalıa Selekıshına bıyl shilde aıynyń basynda qamaýda toptyq zorlaýdyń qurbany bolǵandyǵyn, sonyń saldarynan qyz bosanǵandyǵyn habarlaǵan bolatyn. Onyń aıtýynsha, túrme basshylyǵy alǵashynda zorlaý týraly isti jasyrmaq bolǵan. Alaıda, saraptama qylmystyq iske qatysty tulǵalardyń biriniń ákeligin rastady.
Zorlaý oqıǵasy QR ІІM Qylmystyq atqarý júıesi komıtetiniń LA-155/18 memlekettik mekemesiniń tergeý abaqtysynda bolǵan. Natalıa Selekıshınanyń aıtýynsha, osy mekemeniń tórt qyzmetkeri ony zorlaǵan.
