Almatyda qalyń qardyń túsýi saldarynan 38 eski jáne apatty aǵashtar qulady
ALMATY. 1 jeltoqsan. QazAqparat - Almatyda Tabıǵı resýrstar jáne tabıǵatty paıdalanýdy retteý basqarmasynyń málimetterinshe, saǵat 12-gi jaǵdaı boıynsha qalada qalyń qardyń túsýi saldarynan 38 eski jáne apatty aǵashtar qulady.
Aǵashtardyń qulaýy saldarynan zardap shekkender týraly aqparat kelip túsken joq. Buryn habarlanǵandaı, Almatyda birneshe saǵat boıy qalyń qar túsýde. Qardyń qalyńdyǵy qalada 20 santımetrden asady, taý mańyndaǵy aýdandarda qardyń qalyńdyǵy 40 santımetr jáne odan da kóp.
Qalanyń barlyq jeti aýdanynda qar tazalaý jumystary júrgizilýde.
