Almatyda qalyń qar jaýdy, tazalaý jumystaryna 530 tehnıka tartyldy
ALMATY. QazAqparat – Almatyda túnimen qar jaýdy. Tazalaý jumystaryna arnaıy tehnıkalar jumyldyryldy, dep habarlaıdy QazAqparat tilshisi.
Túnde qalaǵa qalyńdyǵy 12 sm qar tústi, al taý etegindegi aýdandarda onyń qalyńdyǵy 25 santımetrge deıin jetti.
Kommýnaldyq qyzmetter qar jaýǵannan bastap jolǵa taıǵaqqa qarsy materıaldar sebýde.
«Túnde kóktaıǵaqqa qarsy materıaldar sebildi, qar jaýǵan kezde tógilgeni 4090 tonna. 530 arnaıy tehnıka jumyldyryldy, onyń ishinde 201 qumsepkish tehnıkasy bar. 327 jumysshy qar tazalady»,- delingen qalalyq kommýnaldyq qyzmettiń habarlamasynda.
Tańnan beri qalada 540 tehnıka men 1457 jol jumysshysy qar tazalaýda. Qalanyń joǵary ornalasqan aýdandarynda arnaıy tehnıkalar joldyń qozǵalys bóligindegi qardy syrtqa shyǵaryp jatyr.
23 jeltoqsanǵa deıin boljanǵan qardyń túsýine baılanysty qar tazartý jumystaryn baqylaý úshin aýdan ákimdikteri men qala ákimdiginde táýlik boıy kezekshilik uıymdastyryldy.
