Almatyda qalyń qar jaýady: Qutqarýshylar eskertý jasady
ALMATY. QazAqparat - Almatyda 15 aqpanda qalyń qar jaýady. Bul týraly Qazgıdromettiń daýyldy eskertýine súıene otyryp qalalyq tótenshe jaǵdaılar departamenti málimdedi, dep habarlaıdy QazAqparat tilshisi.
15-16 aqpanda qalada tuman túsedi. Joldarǵa qar jaýyp, kóktaıǵaq bolady.
Almaty aýmaǵyna irgeles taýlarda da qar jaýady dep kútilip otyr.
Osyǵan baılanysty qalalyq tótenshe jaǵdaı departamenti almatylyqtardy qaýipsizdik erejelerin saqtaýǵa shaqyrdy.
«Elektr jelilerinen, aǵashtardan jáne jetkilikti kúsheıtilmegen qurylystardan alshaq júrýdi suraımyz. Qar jaýǵanda joldan ótý kezinde erekshe saq bolýdy eskertemiz. Aınalańyzǵa qarap júrińiz, kútpegen kilt qozǵalys jasamańyz jáne kólik júrgizýshilerine jolda qaýip týdyrmańyz», - dep eskertti Almaty qalalyq tótenshe jaǵdaılar departamentinde.
