Almatyda qalta urlyǵy 4 ese azaıdy
ALMATY. QazAqparat - Almatyda jyl basynan beri urlyq sany azaıyp keledi. Bul týraly Almaty qalasy polıtsııa departamentiniń baspasóz qyzmeti málim etti, dep habarlaıdy QazAqparat tilshisi.
Vedomstvonyń dereginshe, Almaty polıtsııasynyń qyzmeti Memleket basshysy Qasym-Jomart Toqaevtyń tapsyrmalaryn oryndaýǵa, sondaı-aq, barlyq saladaǵy qyzmetti jaqsartýǵa baǵyttalyp otyr. Jalpy, qaladaǵy qylmystyq ahýal turaqty jáne baqylaýda. Qylmysty ashý boıynsha jumystyń tıimdiligi artqan.
«Qalalyq polıtsııa departamentiniń deregi boıynsha bıylǵy alty aıda qalta urlyǵy 3,8 esege, páter urlyǵy 44%-ǵa, avtokólik salonynan bótenniń múlkin urlaý 47%-ǵa azaıǵan. Sondaı-aq, jyl basynan beri kámeletke tolmaǵandar arasyndaǵy qylmys (-14,5%), otbasy-turmystyq qatynastar salasyndaǵy qylmystyq quqyq buzýshylyqtar (-14,3%), buryn sottalǵandardyń zańsyz áreketteri de (-47,8%) tómendegen», - delinedi Almaty polıtsııasy taratqan habarlamada.
Eske salaıyq, Almatyda ózin polıtsııa qyzmetkerimin dep tanystyratyn alaıaqtardyń kóbeıgeni týraly habarlaǵan bolatynbyz.
