Almatyda qalaı baspanaly bolýǵa bolady
«Aldyńǵy jyldarmen salystyrǵanda búgin qazaqstandyqtarǵa baspanaly bolýǵa birneshe múmkindik bar. «Nurly jer» jəne «Almaty jastary» sekildi aýqymdy baǵdarlamalar júzege asyrylýda. 7-20-25 baǵdarlamasynyń iske asyrylýy bul turǵyda úlken serpin beredi»,- dedi «Nur Otan» partııasy Almaty qalalyq fılıaly tóraǵasynyń orynbasary Stanıslav Kankýrov.
Mamandar baspanaly bolýdyń tıimdi joldaryna toqtala ketti.
Sharaǵa qatysqan «Turǵyn úı qurylys jınaq banki» AQ tóraıymy Lázzat Ibragımovanyń aıtýynsha, qazirgi tańda jınaqtaý júıesi boıynsha «Almaty jastary» baǵdarlamasy, «Nurly jer», «Óz úıim» baǵdarlamasy boıynsha baspana alýǵa bolady. Alaıda, banktiń qoıatyn birqatar sharty bar.
«Almaty jastary» boıynsha klıenttiń (otbasy bolsa, ekeýiniń de) jasy 35-ke tolmaýy kerek. Ári Almatyda turǵylyqty mekenjaıǵa 1 jyl tirkeýde bolýy tıis. Al «Nurly jer» baǵdarlamasy boıynsha klıenttiń 3 jyldyq turǵylyqty mekenjaıy bolýy shart. Sonymen qatar, adamnyń atynda sońǵy 5 jylda baspana tirkelmegen bolýy tıis. «Óz úıim» baǵdarlamasy boıynsha turǵylyqty mekenjaı bolýy shart emes. Paıyzdyq mólsherleme 8,5%-dan 7%-ǵa tústi», - dedi Lázzat Ibragımova.
Onyń aıtýynsha, atalǵan bank «7-20-25» baǵdarlamasy boıynsha sharttardy «Baspana» arnaıy kompanııasymen kelisip jatyr. Ázirge qujat qashan daıyn bolary belgisiz.
Al «Baspana» ıpotekalyq kompanııasy tóraǵasy Qaırat Altynbekovtiń aıtýynsha, «7-20-25» baǵdarlamasy boıynsha 1 aı kóleminde jalpy somasy 15 mlrd teńge kóleminde nesıege ótinim tústi. Onyń ishinde 10 mlrd teńgeniń ótinimi maquldandy.
«Atalǵan baǵdarlamaǵa suranys óte joǵary. ıAǵnı, eger adam 12 mln teńgeniń baspanasyn satyp alamyn dese, onyń 20 paıyzyn, ıaǵnı 2 mln teńgesin aldyn ala quıady. Qalǵan 10 mln teńge 20 jylǵa 7 paıyzben beriledi. ıAǵnı, aılyq tólem 71 myń teńge bolady. Biz 5 jylda «7-20-25» boıynsha 1 trln teńgeniń zaımyn berýdi josparlap otyrmyz», - dedi Qaırat Altynbekov.
Onyń aıtýynsha, baǵdarlamaǵa qatysýdyń basty sharty - atyńyzda baspana ári ıpotekalyq nesıe bolmaýy qajet.
«Eger, atyńyzda baspana bolǵan bolsa, siz ony satyp jiberip nemese bireýge aýdaryp jiberip, kelesi kúni kelseńiz de bank sizdiń ótinishińizdi qabyldaıdy. Eń bastysy shart jasasqan kezde atyńyzda úı tirkelip turmaýy qajet», - dedi Qaırat Altynbekov.
Aıta ketsek, QR Ulttyq banki tóraǵasy atalǵan baǵdarlamanyń operatory «Baspana» ıpotekalyq uıymy bolatynyn 5 mamyrda aıtqan edi. Ulttyq bank bekitken baǵdarlama boıynsha ıpotekalyq nesıe 7% jyldyq mólsherlememen 25 jylǵa beriledi. Kelesi sharttarynyń biri - alǵashqy salym 20% bolmaq. Jańa ıpotekalyq zaıymdardy kez-kelgen Qazaqstan azamaty ala alady. Ol úshin eń basty shart - adamnyń basynda jyljymaıtyn múlki bolmaýy kerek. Baǵdarlama boıynsha Qazaqstannyń kez-kelgen óńirinen Almaty, Astana, Atyraý qalalarynan eń maksımaldy 25 mln teńgege, qalǵan óńirlerde 15 mln teńgege baspana satyp alýǵa bolady.
Klıentter Bank Tsentrkredıt, Eýrazııa banki, ATF bank, bankRBK, Halyq banki, Tsesnabank, Turǵyn úı qurylys jınaq banki arqyly nesıe ala alady. Jyl sońyna deıin bul tizimge Sberbank pen Forte bank qosylýy múmkin.
2018 jyldyń 9 tamyzdaǵy ahýalǵa sáıkes qalada jalpy quny 6,6 mlrd teńge bolatyn 522 ótinim berilgen. Barlyǵy 312 ótinim maquldandy. Al, jalpy Qazaqstan boıynsha 315 ótinim boıynsha nesıe berildi. Onyń 128-i Almaty turǵyndaryna berildi. Bul respýblıka boıynsha 44 paıyzdy quraıdy.
