Almatyda Kalashnıkov avtomatyn satpaq bolǵan er adam ustaldy
ALMATY. QazAqparat – Almatyda er adam 3 mıllıon teńgege Kalashnıkov avtomatyn satpaqshy bolǵan, dep habarlaıdy QazAqparat Polisia.kz saıtyna silteme jasap.
Qarý saýdasyn qalalyq prokýratýranyń kelisimimen Uıymdasqan qylmysqa qarsy kúres basqarmasy toqtatqan.
«Arnaıy is-shara barysynda qarý-jaraq satýmen aınalysty degen kúdikpen 42 jastaǵy A. esimdi azamat ustaldy. Ol 5,6 mm patrondardy atýǵa jaramdy AK-74 avtomatyn satty. Qarý-jaraqtyń nómiri joıylǵan, bul ony anyqtaýdy qıyndatý úshin ádeıi jasaldy dep oılaımyz. QR QK-niń 287-baby 4-bóligimen sotqa deıingi tergeýdiń biryńǵaı tizilimine tirkelgen qylmystyq is aıasynda sot-ballıstıkalyq saraptama taǵaıyndalyp, onyń qorytyndysy boıynsha atys qarýynyń qaıdan alynǵandyǵy jáne kimdiki ekendigi anyqtalady», - dedi Uıymdasqan qylmysqa qarsy kúres basqarmasynyń basshysy Janat Nurǵalıev.
Kúdikti óz isin moıyndaǵan. Ol ýaqytsha ustaý ızolıatoryna otyr.
Foto: polisia.kz
