Almatyda qalanyń Uly Otan soǵysy jyldaryndaǵy tarıhyna arnalǵan kórme ashyldy
dep habarlaıdy QazAqparat.
Kórmege Almaty soǵys jyldary jaýynger qala bolǵanyn dáleldeıtin qujattar men fotosýretter, tarıhı qujattar, ardagerlerdiń hattary men orden, medaldary qoıylǵan. Olardyń qatarynda soǵystyń alǵashqy jyldarynda Almatyda 316-shy, 391-shi, 38-shi, 405-shi atqyshtar dıvızııalary, 100-shi ulttyq brıgadasy jasaqtalyp, maıdanǵa jiberilgeni týraly, sonymen qatar Almatyǵa maıdan dalasynan kóshirilgen zaýyttar men gospıtaldardyń ornalasqany týraly qujattar bar. Sondaı-aq maıdan dalasynda qyzmet kórsetken medıtsınalyq qyzmetkerlerdiń sómkeleri, áskerlerdiń eń qajetti zattary da oryn alǵan. Kórmeniń ashylýyna Uly Otan soǵysyna qatysýshylar, tarıhshylar men zertteýshiler kelip, Otan soǵysy jaıly tyń derektermen bólisti. Ardagerler bolsa ótken kúnderden estelikter aıtyp, jas urpaqqa patrıottyq rýhta ómir súrýge shaqyrdy.
